Këngëtari i muzikës popullore, Ramadan Krasniqi (Dani) është shtruar në spital pasi ka pasur disa shqetësime shëndetësore.
Lajmin e ka bërë me dije këngëtari përmes një postimi në ‘Facebook’ ku shkruan se pasi i është nënshtruar një kontrolli shëndetësorë, mjekët kanë gjetur një çrregullim zemre. Ndër të tjera, ai shton se tashmë është mirë dhe pritet t’i kthehet përditshmërisë.
Postimi i plotë:
Miq, dashamirë dhe adhurues të respektuar të këngës time,
Pas disa aktiviteteve të mia rekreative e sportive, të cilat unë i kam të përditshme dhe i aplikojë ndër vite, gjatë dy ditëve të fundit kam ndjerë disa shqetësime shëndetësore, e të cilat në dijen time ishin të vogla dhe pak të vërejtshme.
Megjithatë pas kësaj i jam nënshtruar një kontrolli shëndetësorë. Mjekët kanë gjetur një çrregullim zemre për të cilin menduan se duhet trajtim.
Unë jam i prirë që në çdo aspekt jetësorë të dëgjoj profesionistët e lëmisë, ndaj dhe ju nënshtrova aplikimit të stentimit. Çdo gjë u krye me sukses brenda pak minutash! Po ndjehem shumë mirë, nesër pritet ti kthehem përditshmërisë dhe noramlitetit jetësorë!
Megjithatë sipas mjekëve, edhe në këtë rast përparësitë e mia sërish dolën të jenë;
Aktiviteti sportiv në natyrë, ndajë bëjeni!
Mos pirja e duhanit – mos e pini kurrë!
Mos pirja e alkolit, – mos e pini kurrë!
Falënderimi i takon Zotit për çdo gjë!
Respekt të pafund për interesimin tuaj, jua kthefsha në të mira
Dani
